Guddoomiyaha Hay’adda shaqaalaha oo been ku tilmaamay shaqaalihii 1500 ahaa ee Madaxweyne Siilaanyo, Samaale iyo Xirsi ay ku faaneen in ay sanadkan qorsheeyeen

Guddoomiyaha Hay'adda shaqaalaha oo been ku tilmaamay shaqaalihii 1500 ahaa ee Madaxweyne Siilaanyo, Samaale iyo Xirsi ay ku faaneen in ay sanadkan qorsheeyeen

"Nuux iyo Xirsi iyamaa Run ka sheegaya shaqaalaha ay dawladdu qoratay"

"Wax allaale wax ka jira 1500 shaqaale ah ma jiraan, laakiinse waxa jira 825 shaqaale loogu daray miisaaniyadda laba wasaaradood" Nuux

"Intii Madaxweynaha Siillanyo uu Hogaaminayey Dalka Wuxuu Shaqo Abuur u sameeyey in ka badan 5,000 oo Dhalinyaro ah waliba waa inta shaqada gashay" Xirsi

Hargeysa(Waaheen) Guddoomiyaha Hay'adda Shaqaalaha dawladdda Nuux Sheekh Muuse Ducaale ayaa been iyo wax aan jirin ku tilmaamay 1500 oo shaqaale ah oo uu Madaxweyne Siilaanyo Digreeto ku dhaqan galiyay, Wasiir Xirsi iyo Wasiir Samaalena ku faaneen sanadkan 2013-ka in ay shaqaalahaas qaateen.

Beeninta Guddoomiyaha Hay'adda shaqaaluhu beeniyay Qorshaha ay Xukuumaddu sanadkan ku dhaqan gelisay Siyaasadeeda Miisaaniyadda ee 2013-ka oo uu Madaxweyne Siilaanyo saxeexay waxa uu ku baahiayay Wargeyska Jamhuuriya cadadkiis 5127 ee soo baxay 13 May/2013-ka kaasoo uu kaga jawaabayay su'aal laga weydiiyay wax aka jira 1500 ee shaqaalaha ah ee ay Xukuumaddu sheegtay, waxaanu ku jawaabay "Arrintaasi dhawr jeer ayay igu soo noq noqotay oo horena waa la ii weydiiyay, horta 1500 qof ee shaqaalaha ah oo la igu yidhi wasiir baa ku dhawaaqay sidaan filayo ahaa wasiirka Maaliyadda, laakiin wax allaale wax ka jira 1500 shaqaale ah ma jiraan, laakiinse waxa jira 825 shaqaale loogu daray miisaaniyadda laba wasaaradood oo kala ah Wasaaradda waxbarashada oo loogu daray 500 iyo wasaaradda Caafimaadka oo loogu daray 325 shaqaale ah" ayuu yidhi

Isagoo sii faahfaahinaya 825-ka shaqaalaha ah ee uu sheegay in Miisaaniyadda loogu daraya waxa uu yidhi "325 ka shaqaale ah ee Wasaaradda Caafimaadku waya qaadatay, oo waxay ahaayeen dad xirfadlayaal ah oo isgu jiray Kal kaaliyayaal iyo Dhakhaatiir wax Imtixaan ah oo laga qaadayana ma jirto. 500 ee Macallin ee miisaaniayadda ugu jirta Wasaaradda Waxbarashada wali waxba lagama qorin, imikana bishii shanaad badhtankeedii ayaynu ku jirnaa oo durba nus baa tagay sanadkii, laakiin lacagtoodii way taalaa waana la qorayaa, haddiise ay qoran kari waayaan 500 waxaanu u qaybinaynaa wasaaradaha kale ee u baahan."

Guddoomiyaha Haya'adda shaqaaluhu waxa kale oo uu raaciyay in ay jiraan 159 shaqaale ah oo uu isagu qoray, kuwaas oo aanu cadaynin qaabka uu u qoray, Mushaharkoodu halka uu ka baxayo iyo cida samaysay toona laakiin uu isagu ku faanay in uu qoray, kuwaas oo aan la ogayn Hay'adaha uu u qoray waxaanu yidhi "Waxa kaloo jira 159 qof oo Hay'ada shaqaalaha Dawladdu sifo sharci ah u shaqaalaysiisay sanadkan" ayuu raaciyay in uu qoray.

Hadaba, Wargeyska Waaheen waxa uu Bulshada iyo Xukuumaddaba ma Guddoomiyaha Qaldan oo aan Xukuumadda la socon, mise Xukuumadda ayaa sida uu sheegayo bulshada Been iyo Indho sarcaad ku maaweelinaysa.

Waxa aanu halkan ku soo bandhigaynaa shaxda Sanadkan Xukuumaddu shaacisay in ay qaadanayso oo ah ta ay ku qaybisay 1500 ee shaqaalaha ah ee uu Madaxweyne Siilaanyo saxeexay isla markaana aya ku soo taliyeen Guddida Qaran ee Siyaasadda Miisaaniyadda sanadkan samaysay oo ka koobnaa Toddoba Wasiir, shaxdaasi waa tan:-

Head	Wasaarada/Hay'adda	A	B	C	D	Total	Amount
1	Qasriga Madaxtooyaddan JSL.	-	-	-	-	-	-
1A	Madax-weyne ku-.Xigeenka JSL.	-	-	-	-	-	-
1B	Guddiga La Dagaalanka Aides-ka.	-	-	-	-	-	-
2	Golaha Guurtida JSL.	-	-	-	-	-	-
3	Golaha Wakiiladda JSL.	-	-	-	-	-	-
4	Maxkamada Sare.	-	-	-	-	-	-
5	Xeer Illaalinta Guud Qaranka.	11	11	5	12	39	280,082,400
6	Hay'adda Shaqaalaha Dawladda.	2	-	1	1	4	30,482,400
7	Hanti-dhawrka Guud Qaranka.	-	-	-	-	-	-
8	Madaxtooyadda.	4	2	3	4	13	91,447,200
8A	Ciidanka Illaaladda Madaxtooyadda.	-	-	-	-	-	-
8B	Garyaqaanka Guud ee Qaranka	3	-	-	-	3	30,513,600
9	W.Arrimaha Dibada.	-	-	-	-	-	-
10	Wasaaradda Cadaaladda & Garsoorka.	8	4	-	6	18	137,030,400
10A	Ciidanka Asluubta.	-	-	-	-	-	-
10B	Maxkamada Hoose.	3	7	8	5	23	158,496,000
10C	Guddiga Xaquuqal Insaanka Qaranka.	5	10	5	5	25	184,548,000
10D	Guddiga Dib u habaynta Shuruucda.	-	-	-	-	-	-
11	Wasaaradda Arrimaha Gudaha.	2	3	2	3	10	69,264,000
11A	Ciidanka Booliska.	-	-	-	-	-	-
11B	Ciidanka Ilaaladda Xeebaha.	-	-	-	-	-	-
11C	Guddiga Baadhista Xasuuqii.	-	-	-	-	-	-
11D	Laanta Socdaalka.	-	-	-	-	-	-
12	W.Warfaafinta & Wacyigelinta.	2	3	-	-	5	45,240,000
12A	Somaliland National T.V.	-	1		-	1	8,299,200
13	W.Gaashandhiga.	-	2	-	-	2	16,598,400
13A	Ciidanka Qaranka.	-	-	-	-	-	-
14	W.Qorshaynta Qaranka & Horumarinta.	6	8	4	-	18	153,004,800
15	Wasaaradda Maaliyadda.	-	-	-	-	-	-
15B	Waaxda Miisaaniyada & Qasnada	-	-	-	-	-	-
16	W/Ganacsiga	18	12	4	4	38	323,232,000
17	W.Macdanta, Biyaha & Tamarta.	-	-	-	-	-	-
18	W/Kalluumaysiga Kh/Badda & M/Dekeddaha.	10	-	-	-	10	101,712,000
19	Wasaaradda Beeraha.	10	10	5	5	30	235,404,000
20	W/X/Xoolaha	15	-	-	-	15	152,568,000,({waxa lagu daray 10A oo dhakhaatiir ah})
21	W.Boostadda & Isgaadhsiinta.	-	-	-	-	-	-
22	W.Waxbarashada & Tacliinta Sare.	-	500	-	-	500	4,149,600,000
22A	Agaasinka Tacliinta Sare	-	-	-	-	-	-
22B	Gudiga Tacliinta Sare	-	-	-	-	-	-
23	Wasaaradda Caafimaadka.	70	150	60	45	325	2,509,104,000
24	W.Diinta & Awaafta.	-	-	-	-	-	-
25	W.Hawlaha Guud & Gaadiidka.	11	2	2	1	16	145,017,600
26	Wasaaradda Duulista & Hawadda.	-	-	-	-	-	-
27	Hay'adda N.D.C.	-	-	-	-	-	-
28	Hay'adda Miino-Saarka Qaranka.	1	-	-	-	1	10,171,200
29	Xafiiska Xidhiidhka Golayaasha ee Madax.	2	1	1	2	6	42,525,600
30	W. Shaqadda & Arrimaha Bulshadda.	-	9	-	-	9	74,692,800
31	W/Ciyaaraha, Dhalinyaradda & Dhaqanka.	-	-	-	-	-	-
32	Guddiga Doorshooyinka Qaranka.	-	-	-	-	-	-
33	Guddiga Qandaraaska Qaranka.	-	-	1	-	1	6,396,000
34	Hay'adda NERAD.	-	-	-	-	-	-
35	ICT. Commission.	-	-	-	-	-	-
36	Hay'adda Xidhiidhka Caawimadda FWP.	-	-	-	-	-	-
37	Commission-ka Qurba Jooga.	-	-	-	-	-
38	Quality Control Commission.	-	-	-	-	-	-
39	Good Governace and Anti-Corruption Com.	-	-	-	-	-	-
40	Wasaaradda Dib U Dajinta	-	-	-	-	-	-
41	Wasaaradda Deegaanka Hormarinta Reer Miyiga	-	5	10	-	15	105,456,000
42	Gudiga Diiwaangelinta Ururada	-	-	-	-	-	-
43	Wasaarada Wershadaha	-	-	-	-	-	-
55	Total	183	740	111	93	1,127	9,060,885,600
		-	-	-	-	-	-
						-	-

Shaxdan Waaheen hore waxa ay u weydiisay Guddoomiyaha Hay'adda shaqaalaha Dawladda Hase yeeshee wakhtigaas sida uu hadalkiisa ku sheegayba wuu ka gaabsaday in uu Waaheen uga waramo balse wakhtigaas waaheen waxa ay bandhigtay qoraalkaas oo ay ku cadahay Wasaarad kasta iyo Hay'ad kasta oo Dawladeed saamiga kaga soo hagaagay sanadkan in ay qortaan.

Inta la ogyahay qaabka shaqaalahaas loo qaatay wax aka soo baxay cabashooyin kala duwan oo farta lagu godayay qaabka ay u qaateen wasaaradaha iyo Hay'adda shaqaaluhu, marka laga reebo shaqaale ay Imtixaan uga qaadeen Wasaaradda Maaliyadda iyo Wasaaradda Qorshaynta hase yeeshee intii kal lama hayo meel ay jaan iyo cidhib dhigeen, Guddoomiyuhuna muu cadayn 159 ka uu gaarka waraysigiisa ugu xusay ee uu ku mano sheegtay in uu qoray.

Dhawaaqa Guddoomiyaha Hay'adda shaqaalaha Dawladda ayaa ka hor imanaya qorshe siyaasadeedka Madaxweyne Siilaanyo ku hogaaminayo sanadkan siyaasadda Miisaaniyadda, taasoo uu Madaxweyne Siilaanyo u saaray Guddi Wasiiro ah oo kala ah:- Wasiirka Wasaaradda maaliyadda C/casiis Maxamed Samaale, Wasiirka Qorshaynta Sacad Cali Shire, Wasiirka Wasaaradda Xanaanada Xoolaha Dr: Cabdi Aw Daahir, Wasiirka Wasaaradda Gaashaandhiga Axmed X Cali Cadami, Wasiirka Wasaaradda Duulista Hawda Maxamud Xaashi Cabdi,  Wasiirka Wasaaradda ganacsiga C/risaaqa Khaliif Axmed iyo Wasiirka Beeraha Faarax Cilmi Axmed Geedoole.

Madaxweyne Siilaanyo Digreetada uu ku dhaqan geliyay 1500 ee shaqaalaha ah iyo Siyaasadda Miisaaniyadda ee loogu talo galay waxa uu faray Guddidaas Wasiirada ah in ay sadex biloodkiiba mar qiimeeyaana Miisaaniyadda " waa in Guddida Siyaasadda Miisaaniyadda Saddex biloodkiiba hal mar ay kulmaan, si qiimayn ay ugu sameeyaan Siyaasadda Miisaaniyadda 2013-ka" ayuu ku yidhi Mdaxweynuhu qorshihiisa ku aadan siyaasad miisaaniyadeedka sanadkan.

Hadaba, iyadoo sidaas ay Madaxweynaha iyo Gudidiisa Wasiiradu bulshada u baahiyeen ayuu Guddoomiyaha Hay'adda Shaqaaluhu ku dhawaaqay erayada Dhiilada leh ee Ummada ka yaabiyay, waxaanu muujiyay in ay Xukuumaddu ka been sheegayso qorshahaas.

Bal u fiirso Qudbadii Wasiirka Wasaaradda Madaxtooyaddu ka hor jeediyay xafladdii Ardayada Jaamacaduhu ku qaabileen Madaxweyne Siilaanyo isagoo ka jawaabayay tiraab ay Ardaydu iska daba martay oo ay Madaxweynaha ugu bandhigayeen dhibaatada shaqo la'aantu ku keentay gaar ahaana waxa ay bartilmaameed uga dhigayeen Aaafada Tahriibka, taasoo uu Wasiir Xirsi ka jeediyay Weedho rajo galinayay " "Runtii Waxa jirta in dhinaca Tahriibta iyo Shaqo la'aanta aad loo taabtay, intii Dawladda Madaxweynaha Somaliland Axmed Maxamed (Siillanyo) uu hogaaminayey Dalka Wuxuu Shaqo Abuur u sameeyey in ka badan 5,000 oo Dhalinyaro ah waliba waa inta shaqada gashay, laakiin Nasiib darro in ka badan Boqol kun Ama Labba Boqol oo kun oo qof ayaa shaqqo Sugayey, Marka intaasi aanu shaqalaysiinay waxay ka mid tahay Bar Biyo ah oo ku dhex dhacday Bad dhan oo Biyo ah, markaa waxba ka tarimayso, marka shaqo la'aanta taalla intaasi ma kafayn karto, laakiin Da'daalkii madaxweynaha meel fiican ayuu marinayaa."Ayuu yidhi Wasiirka Madaxtooyadda.

Marka la is bar bar dhigo hadalka wasiirka iyo ka Guddoomiyaha Hay'adda shaqaalaha Dawladda waxa kuu soo baxaya in ay kaaf iyo kala dheeri ka muuqato nidaamka Maamul ee xukuumadda oo in badan lagu xanto in aanay iskaba war haynin, tusaale ahaan Guddoomiyaha Hay'adda shaqaaluhu waxa uu sheegay in shan boqol oo kali ah oo qorshaha Miisaaniyadda ku jiray Wasaaradda Caafimaadku qaadatay, iyo 159 uu isagu sheegtay oo aan Miisaaniyadda ku jirinba.

Si kasta ha ahaatee su'aalaha ka soo baxaya hadalada kala duwan ee ay Madaxdii dalku isku tabcaynayso waxa ka mid ah Guddoomiyaha hay'adda shaqaaluhu ma isagaa dajiya oo soo saara Miisaaniyadda Qaranka, halkeese uu ka kkenay in uu kuwii Miisaaniyadda ku jiray daadifeeyo, kuwo jeebkiisa ahna qoro isagoo soo bandhigin Nidaamka uu sheegay in uu waafajiyay.

Ta kale, haddiiba Guddoomiyaha Hay'adda Dawaladdu maalin ka hor beeniyay qorshaha Xukuumadda muxuu wasiir Xirsi ula soo shir tagay madal in ka badan Lix boqol oo Jaamici soo fadhiyaan oo ay ka cabanayaan shaqo la'aan in uu yidhaahdo 5000 oo shaqaale ah ayuu Madaxweyne Siilaanyo qoray intii uu talada hayay.

Su'aalahaas iyo kuwo badan oo la iska weydiinayo dhawaaqa Guddoomiyaha Hay'adda shaqaalaha iyo qorshaha shaqaalaynta Xukuumadda ayaa looga fadhiyaa in ay Xukuumaddu bulshada u bal balaadhiso.

 

Short URL: http://waaheen.com/?p=66213

Xukuumadda Somaliland oo qorshaynaysa inay Isgaadhsiinteeda kala wareegto Furaha Somaliya 252

Xukuumadda Somaliland oo qorshaynaysa inay Isgaadhsiinteeda kala wareegto Furaha Somaliya 252

 "Waxa shalay kulan lagu gorfaynayay ku yeeshay wasaaradda Boosaha Shirkadaha iyo Xukuumadda"

Hargeysa(Waaheen) Xukuumadda Somaliland ayaa bilowday qorshihii iyo xogtii ay kaga goosan lahayd Isgaadhsiinteeda Furaha Somaliya ee 252 ee ay labada dal wada isticmaali jireen.

Kulan balaadhan oo lagaga tashanayo talaabadaasi ayaa ka dhacay Wasaaradda Boosaha iyo Isgaadhsiinta waxaana ka soo qayb galay dhamaan Shirkadaha Isgaadhsiinta, Xukuumadda iyo Ururka Shirkadaha Isgaadhsiinta Dalka, waxaana lagu falanqeeyay qaabka ugu haboon ee ay Somaliland uga wareegi karto Furahaas.

Shirkadaha iyo Ururka Isgaadhsiinta Somaliland ayaa kulankaasi ku soo bandhigay in la heli karo fursado casri ah oo ay Somaliland kaga heli karto isgaadhsiinteeda in loogu sameeyo dariiq ka duwan ka ay hada Isticmaasho ee Somaliya, waxana la soo bandhigay shirkaddo badan oo hawshaas fulin kara.

Xukuumadda Somaliland oo in badan ka caga jiidaysay in ay qorshe u samaysato Isgaadhsiinteeda ayaa u guux day qorshayaashii loo qadimay, waxaanay Shirkadaha iyo khubaradii kala qayb qaadatay ku war gelisay in ay talo ka soo yeelanayso Hindisaheedaiyadoo balan qaaday in ay aka go'an tahay hawshaasi.

Talaabadan ayaa ku soo beegmaysa maalin kadib markii ay go'aan adag ku waajahdayaa Go'aan qaramada Midoobay ku hoos geeyeen Muqdisho Duulimaadayada Hawada Somaliland dul mara taasoo ay marka hore ku wada shaqayn jireen qorshe sadex geesood ah balse iyada oo aan Somaliland lagala tashan la wareejiyay.

Hore waxa ayaa Xukuumadda Somaliya kulan Muqdisho ugu qabatay shirkadaha Isgaadhsiinta Somaliya iyo Somalialand, iyadoo ku amartay in ayaa ka amar qaataan wasaaradda Boosaha iyo Gaadiidka Somaliya balse wakhtigaas Somaliland hadal kaasi umuu dhadhamin laakiin markii Kulaylka Duulimaadyadu taabtay ayay ku ambabartay.

Si kasta ha ahaatee Xukuumadda Somaliland sida uu Madaxweyne Siilaanyo shalay ku baaqay waxa hor yaala go'aan qaadasho iyo tabaabulshe ay kaga gaashaamanayso qorshayaasha cadawgeedu ku hagar daamaynayo.

Kulanka ay Shirkadaha iyo Xukuumaddu ku yeesheen Wasaaradda Boosaha iyo Isgaadhsiinta ayaa ahaa mid aan saxaafadda loo ogalayn, balse waxa ay Waaheen heshay tibaaxo ka mid ah ajanadaha shirkaasi.

Short URL: http://waaheen.com/?p=66212

Guddoomiyaha Guurtida oo waan waan ka wada dhismayaal wasiirka Hawlaha Guud ka joojiyay wasaaradda Boosaha

Guddoomiyaha Guurtida oo waan waan ka wada dhismayaal wasiirka Hawlaha Guud ka joojiyay wasaaradda Boosaha

 "Waxa uu shalay Indho indheeyay goobta laga binaynayay oo ku dhex taala wasaaradda"

Hargeysa(Waaheen) Guddoomiyaha Golaha Guurtidda Somaliland Saleebaan Maxamud Aadan ayaa shalay booqday Wasaaradda Boosaha iyo Isgaadhsiinta Somaliland oo dhismayaal meherado noqon lahaa oo laga dhex binaynayay la joojiyay.Booqashada Guddoomiye Saleebaan ayaa ahayd mid uu ku Indho indhaynayay goobta la joojiyay oo ay cabasho uga tagtay si uu u dhex dhexaadiyo wasaaradda Hawlaha Guud oo joojisay iyo dadkii shicibka ahaa ee la siiyay dhismayaashaas oo laba qol ahaa.Guddoomiye Saleebaan ayaa in door ah dhex taagnaa goobta oo Jiingad lagu hadoodilay balse wakhtigaas waxa Wasaaradda dhexdeeda ku sugnaa wariyayaal Waaheen ka tirsanaa oo ka war sugayay kulan ay Xukuumaddu u qabanaysay Shirkadaha Isgaadhsiinta, hase yeeshee umay suurtogelin in ay wax ka weydiiyaan.Guddoomiye Saleebaan waxa ku wehelinayaya dhawr qof oo in muddo ah la soo lugeeyay kuwaas oo tilmaan ka siisnayay Dhulka la joojiyay iyo sababta loo joojiyayba, hase yeeshee kamay muuqan dadka la hadal hayay in dhulkaas la siiyay.Wasaaradda Hawlaha Guud ayaa joojisay dhismaha dhulkaasi iyadoo la sheegay in ay ku sababaysay in ay ka soo horjeedo talaabada lagu dhisayaa Go'aankii Madaxweynaha Jamhuuriyadda Somaliland ka soo saaray Dhulka Dawladda in la dhalan rogo ama dad gaar ah la siiyo.Hase yeeshee marka laga yimaado dhulkaasi wasaaradda ku dhex yaala waxa soo baxaya warar sheegaya in guryo Dawladdu leedahaya la kala iibsaday mudadii ka danbaysay Digreetadii Madaxweynaha, guryahaas oo ku yaala xaafadda shacabka, wallow guryo hore oo la kala iibsaday wasaaraddu ku sheegtay in aanay jirin ee ay yihiin guryo ay kiradooda helaan, sharcigana ay waafajiyaan dadka isku wareejinaya, hase yeeshee dhinac kastaa macaash buuran ka helo.Wasaaradda Hawlaha Guud waxa kale oo ay dhawaan joojisay guri la sheegay in la kala Iibsaday oo ku yaalay xaruntu boodhinka kal kaaliyayaasha Caafimaadka eek a danbaysay Cisbitaalka kadib markii ay wasaaradda Caafimaadka iyo ururka kal kaaliyayaasha Caafimaadku culays ku saareen wasaaradda iyo Xukuumadda in la joojiyo ogolaansho ay wasaaradda Hawlaha guud siisay marka hore.Si kasta ha ahaatee waan waanta la filayo Guddoomiye Saleebaan in uu ku dhex galoa Wasaaradda iyo dadka Makhsinada Meheradaha ah laga siiyay Wasaaradda Boosaha iyo Isgaadhiinta ayaa la filayaa inay noqon doonto mid culus.

 

Short URL: http://waaheen.com/?p=66214

Loolan ka taagan Abuurista Ciidanka Turbataariyadda iyo Hogaankooda

Loolan ka taagan Abuurista Ciidanka Turbataariyadda iyo Hogaankooda

"Waxa Madaxaweyne Siilaanyo amray in laga dhigo Ardaydii Booliiska gashay hase yeeshee waxa soo baxaya Tuhuno ka duwan"

Hargeysa(Waaheen) waxa wali doodi ka taagan tahay sababta hor taagan Abuurista Ciidanka Tulbataariyada Somaliland iyo Hogaankooda oo uu Madaxweyne Siilaanyo Amray in sanadkan la sameeyo iyadaoo Qorshaha Miisaaniyad sanadeedka lagu daray.

" Waa in dib loo aasaaso Ciidankii Ilaalada Cashuuraha (Turbataariyadda), tiradiisuna noqotaa 120 Askari, kaas oo yeelan doona hogaan gaara ah oo la shaqayn doona Wasaaradda Maaliyadda; lagana soo xulo ciidankii sanadkii 2011 Booliisku qaatay ee ahaa Ardayda ka soo baxday Dugsiyadda Sare iyo Jaamacadaha" ayuu yidhi Madaxweyne Siilaanyo bilowgii sanadkan.

Ciidankan Madaxweyne Siilaanyo amray qaabka loo samaynayo oo baahi weyn loo qabo ayaan la garanayn sababaha hortaagan, hase yeeshee waxa soo baxaya ifafaalo  muujinaya in qaab ka duwan ka uu Madaxweyne Siilaanyo Amray la doonayo in loo maro.

Wararka ka soo baxaya aasaaska Ciidankan ayaa sheegaya in Loolan adagi ku dhex marayo masuuliyiinta ay khusayso in nin kastaa Hogaanka Ciidankaas ka dhigo nin uu wato, kaasoo aan la garanayn in uu waafaqi doono shuruuda Madaxweyne Siilaanyo u dhigay.

Walow aanaa wali lagu dhawaaqin hadana caqabadaha ugu waaweyn ee hortaagan ayaa la sheegayaa in ay ka mid tahay in qaab beeleed la doonayo in masuuliyiinta hawshani khusaysaa u qaybsadaan, isagoo nin kastaa tiro gaar ah qoondaystay balse aan wali la isla meel dhigin.

Duruufo kala gedisan ayaa masuuliyiinta ku kalifa hawlaha Qaranaka in ay sidan oo kale ugu xanibmaan, kuwaasoo laga xusi karo masuul kastaa in uu iska meeleeyo kuwa ugu dhaw maadaama ay culays ku hayaan, hase yeeshee qaar ka mid ah masuuliyiinta ayaa u xisha in ay dhaqaale ka helaan gaara ahaana Ciidamada meelaha Dakhli Ururinta la geeyo, inkasta oo ay meelo badan Xukuumaddani ka soo xidhay nidaamkaasi, gaar ahaana Kastamada waaweyn.

 

 

 

 

 

Mooshin lagu riday Xukuumadda Raysal wasaaraha Somaliya oo Baarlamaanka la hor geeyay

Waxa ay ku eedaynayaan Xukuumaddiisu in ay fadhiid noqotay oo aan la garanayn dhinac ay u socoto

Muqdisho(Waaheen) Sagaashan xubnood oo ka mid ah Baarlamaanka Somaliya ayaa Mooshin ay ku dalanayaan in Codka kalsoonida ah loo qaado Xukuumadda Raysal wasaare Saacid u gudbiyay shirguddoonka Baarlamaanka Somaliya.

Fadhigii shalay ayaa lagua sheegay in sabtida loo qaybin doono Mooshinkaasi si loo guda-galo, waxaanu shirguddoonku ku dhawaaqay Mooshinkaasi in uu sharciyada waafaqsan yahay, isla markaana ay xildhibaanadu soo akhrisan doonaan si looga dodo.

Xildhibaanada Mooshinka keenay ayaa Xukuumadda raysala Wasaare Saacid ku eedaynaya in ay gabtay rajadii laga filayay in ay wax kaga qabato xilka loo igmaday, waxaanay sheegeen in aanay talaba faraha ugu jirin.

Xildhibaanadu waxa ay Raysal Wasaare Saacid ku eedeeyeen in uu waxba ka qaban kari waayay dhibaatooyinka wali Muqdisho iyo meelaha Maamulkiisu ka jiro ka taagan, iyagoo sheegay in loo baahan yahay Xukuumad hanan karta maamulka Dalka.

Short URL: http://waaheen.com/?p=66215